نرگيزلر
نرگيزلر
نار باغيندا
اولدوز اولدوز ياناردي نارچيچکلري.
ياشيل يارپاقلارين آراسيندان
اوغرون اوغرون بويلاناردي آلما گؤزلر؛
ياز ايشيغينا بورونرکن ببکلري
سئودا باغيندا
چيچک چيچک آچيللاردي، ييومولاردی
سئوگي باخيش لي گؤزلر
جان باغيندا
سئودا قوشلاري اؤتوشردي
قيزيل گول يارپاغينا بوکولردي
اوره ييمده کي کؤزلر
کؤنلومه ساريلان
نغمه لر،چيچکلر، باخيش لاردي
دلي قانلي گونلريمي
سئودا سوسلر، ناخيش لاردي
آلما گؤزلرده کي قارانقوش لاري
پاييزکولک لري قووالاردي
ساري کولک لرده نارلار آغلادي
گيله گيله تؤکولدو نار دنه لري
قوردو نارباغلاري
دونن کي باهارلاردا قالدي او گؤزلر
ايندي
جان باغيندا، چالي بيتر، چاخيرجا بيتر
خاطره تاغلاريندا
چيچک آچار بات بات گوللري
ايندي
هرسحر، سئحرلي قونچا لار آچيلار قانيمدا
گؤزلريمده نرگيزلر سولانار
رؤيالاريما بويلانار!
* استفاده از مطالب این وبلاگ با ذکر منبع بلامانع می باشد