حسن ریاضی (ایلدیریم)
استاد مفتون امینی - حسن ایلدیریم
تهران بهار 91
* استفاده از مطالب این وبلاگ با ذکر منبع بلامانع می باشد
+ نوشته شده در یکشنبه بیست و چهارم اردیبهشت ۱۳۹۱ ساعت 1:59 توسط حسن ریاضی (ایلدیریم)
|
وطن تورپاغي
/**/
وطن تورپاغي
وطن تورپاغي يندان رنگين آليب دير
آلوولو قلبيمده گزه ن قيزيل قان
گونشي روحوما شووقون ساليب دير
اودلار ديارينا باغلي دير بوجان
آلوولو قلبيم ده گزه ن قيزيل قان
اوجا باش داغلارين ذيروه لرينده
شفق لر، ائليمين شرف هاله سي
ايگيد لر اويلاغي هر بير يئرينده
ساچير بو دونيايا نور شلاله سي
شفق لر ائليمین شرف هاله سي
داشقين سئل لري نين هاي هارايلاري
شا ه لاری تیتره دن عوصیان سسی دیر
عوممان قووشان چاغلارچايلاري
حيات نغمه سي دير، ائل نغمه سي دير
شا ه لاری تیتره دن عوصیان سسی دیر
بو يوردا باغلانان آلچاق اولمایيب
داغلارين بويوجا اوجاليب باشي
ائل لر بولاغيندان ايچن سولماييب
وطنين یاشينا قووشوب یاشي
داغلارين بويوي جا اوجاليب باشي
* استفاده از مطالب این وبلاگ با ذکر منبع بلامانع می باشد
+ نوشته شده در شنبه بیست و سوم اردیبهشت ۱۳۹۱ ساعت 2:41 توسط حسن ریاضی (ایلدیریم)
|
اوره یيم گؤزلريم
اوره یيم گؤزلريم
اوره یيمده چاخناشان بولوتلارین نغمه سين
گؤزلريمدن شيغیيان شيمشکلر دن دینله یين
ياغير سئوگی ياغيشی منيم ايستک باغيما
تورپاق عطرين يازعطرين ديلک لردن ايیله یين
اوره یيمده پارلايان عشقيمين گونشيندن
گؤزلريمدن ساچيلان زرساچاقلا نشان دير
بوگئنیش سئوگي دونیام شفقدن گئيیم گئیميش
گؤزل ليک لرایچینده ايشيقلي کهکشاندير
اوره ییمدن قاينايير محبتين بولاغي
گؤزه لريمدن سوزولن دوم دورو اوره یيمدير
سو ايچيربو بولاقدان ، انسانلار،گؤيرچينلر
چاغلار حياتيم اوچون دورولوق گرگيمدير
اوره یيمده آرزولار گؤزه ل حيات سحري
گوزلريمده قيزاریير او سحرین دان يئري
او سحرده اويانيرگونشله قوشا گؤزلر
اوره یي له اويادير اوخشايير انسان يئري
1365
* استفاده از مطالب این وبلاگ با ذکر منبع بلامانع می باشد
+ نوشته شده در شنبه بیست و سوم اردیبهشت ۱۳۹۱ ساعت 2:18 توسط حسن ریاضی (ایلدیریم)
|