گولگو
خالق آغزیندان ، خالق گولوشو(2)
روایت : حسن ایلدیریم
فرمانلی پيشيك
قوجانـین باشیندان اهل- عیالي داغـیلـیب،
بير اؤزو قالمیشدی، بير قاریسي وبيرده پيشيیي. پيشيك ايللر اوزونو ااونلارلا
یاشامیشدی. چوخ ایميل حـییوان ايدي! هیچ بير قابا باشین سوخمازدی، نه ویرسه
ايديلر اونو یییردي. پيشيك قاپی قونشودا یاخشی تانـینمیشدی. هامی اونا ایميل
پيشيك دیييرديلر، اونو چوخ سیورديلر! آمما بيردن – بيره نه اولدو پيشيیين احوالـی
دیيشيلدي! ایله بيل باشینا هاوا گلدي! ییره- گویه سیغمازدی. گونو- گوندن پيشيك پيسلشدي.
داها قوجایا گؤز ویريردی ايشیق ویرميردي! ایوده هیچ نه قویماق اولموردو. قوجانـین
اليندن اتي ایله قاپیردی کی، او قالیردی كسيله- كسيله، قارینـین سوت-
قاتـیغـینـی گؤز قـیرپیمیندا یالايیيب ديبينه چـیخـیردی، آمما دی گل کی ، سیچانلار
ایوده آت اوینادیردیلار، پيشيك باشینا بير سورو سیچان یـیغمیشدی! قوجا ايله قارینـین
آمانـی كسيلميشدي!
بير گون قوجا قاریسینا
دیدي كي:
- آی آرواد بو پيشيك- سیچان بيزي بوغازیمیزا
یـیغدی آخـی! گلسن بونو آزدیراق!
- آی كيشي آللاها خوش گلمز، بير آزدا گؤزله
بلكه دوزلدي.
آخشام قارینـی یوخو آپارمیش، پيشيك جوموب
قارینین قولاغـینـی آغزینا سالار- سالماز، آرواد چـیغـیرا- چـیغـیرا
ییريندن سیچرادی. قوجا دوردو آروادین قولاغـینـی گوجه- بالا ايله پيشيیين آغزیندان
آلدیلار.
- آی كيشي سن آللاه هاردان اولسا بو پيشييیي
سحر آپار آزدیر.
صاباح قوجا، دان ییري آغارمامیش یوخودان
دوردو. پيشيك ایوين بوجاغـیندا مورگولهيیيردي تليسي آتدی پيشيیين باشینا آغزینـی
برك- برك بوغدو. آتدی دالـینا اوز قویدو شییطان درهسينه ساری، گون اورتا چاغـی
شیطان درهسينين لاپ درين يییرينه تليسي آتدی. گـیري قايیيتدی. قاش قارالاندا
ایوينه چاتدی، قاپیدا نه گؤرسه یاخشیدی !؟ا- هه دوز تاپدیز- پيشيك اوندان قاباق گليب
قاپینـی كسميشدي.!
- كيشي سحردن اينديیهجن هاردا ايدين:
- آپارمیشدیم پيشيیي آزدیرام.
- بهنيیه آزدیرمادین؟
- آرواد بو پيشيك دیيیيل بلادیر. بيلميرم
بونون اليننهن نییلهيیيم؟
صاباح یینه پيشيیي آزدیردی پيشيك یینه
قايیيتدی .آزدیردی، قايیيتدی ...........
بير گون قوجانـین عاغلـینا بير شیی گلدي.
دوردو گـیتدي بازارا بير آز آیين- اویون آلدی تیز قایيتدي. تاختا- پارا بير قوتو
قایيردی. قوتونون ايچيني آلدیغـی قـیر- ساققـیزلا سووادی. سونرا بير تهر پيشييي
باسمارلايیيب باسدی قوتونون ايچينه، آیاقلارینـی قـیر ساققـیزلا سووادی! قوتونون
ْآغزینـی برك- برك میخلادی. چاتدی ایششهیه، قاتدی قاباغـینا سوردو... سوردو...
آخـیردا «گوی ايرماق» چايیينا چاتدی. قوتونو سویا آخـیتدی. گؤزلهدي قوتو گؤزدن ايتدي.
سونرا گئري قايیيتدی.
- آی آرواد پيشيیي ایله آزديردیم كي چرچيده
سوراغـینـی گتيرمز دای! اونون قايیيتماغـی قالدی قيیامته.
سو، قوتونو آپاردی چاتدیردی بير بویوك گؤله.
شهرين والیسی او گون بالـیق توتماغا چـیخمیشدی. گليب گؤلون قـیراغـیندا چادیر
قوردووموشدور. بؤیوك باشلار ايله چادیردا اوتوروب شيرين- شيرين دیيیيب گولور.
یئیيب- ايچيرديلر والـینـین گؤزو گولدو. اوزون قوتویا ساتاشاندا. آداملاریندان چاغـیرتدیردی.
قوتونو توتوب اونون حوضورونا گتيرديلر.
بؤیوك باشلار قوتونون دورهسينه
توپلاشدیلار، هره بير شیی دیيیيردي. قوتونون آغزینـی آچان كيمي پيشيك مووولدویا-
مووولدویا باشیني قالخـیزدی. و گؤزلريني والـینـین گؤزلرينه زيللدي. والـینـین
اورهيیينـی پيشيين حالـینا یاندی. اوز توتوب ميرزهسينه:
- اوغلان بير كاغـیذ گؤتور، یاز، آس بو
پيشيين باشینا! یازكی «ای پيشيين صاحيبي اگر بوندان سونرا بو ايشلردن گؤرسن! بيل
كي منن طرفسن والي... فيلانكس.»
فرماني یازدیلار آسدیلار پيشيين باشینا و
بوراخدیلار.
پيشيك گليب ائوه چاتدی. مووولدویا-
مووولدویا كـیچيب اوتوردو ائوين یوخاری باشیندا!
- آرواد پيشيك گليب، بوینوندا دا بير یازی!
باخ بورا. گؤرنه یازیبلار. اوزوده والـی اوزو یازیب. دور آرواد، دور! نهیين وارسا
یـیغ یـیغـیش ایله، گـئدك.
قوجا و قاری نه لازیم ايديسه گؤتوردولر!
چاتدیلار اولاغا سوردولر والـینـین سارايیينا. سارایا چاتدیلار قاپیچـییا دئديلر
كي، والـینـین آچارلارینـی گتيريبلر! قاپیچـی ايجازه ویردي! والـینـین
قاپیسینـی دؤیدولر و ايچري گيردي والـییا باش اییدي:
- قوربان بو آچارلاری آلـین.
- كيشي نه دانـیشیرسان، نه آچار؟
- آغا منيم پيشييمين هله فرمانی یـوخودو
بيزه گؤز ویريردي ايشیق ویرميردي اونون اليندن تنگه گلميشديك. ايندي او سنين
فرمانـینلا ایوه قاييدیب بوندان سونرا داها اونونلا، هیچ باشارماق اولماز. آلـین
بو آچارلاری ویرين صاحیبینا.
قوجا آچارلاری والـییه ویريب بايیيرا
چـیخدی....
* استفاده از مطالب این وبلاگ با ذکر منبع بلامانع می باشد
