گولگو خالق آغزیندان ، خالق گولوشو حسن ریاضی (ایلدیریم)
گولگو
خالق آغزیندان ، خالق گولوشو(1)
روایت : حسن ایلدیریم
ناخوش من دیيیيلم.
بير قاری وارايدي، قارینین گؤزونون آغـی- قاراسی بير نوهسي وارايدي! بو اوشاق دا گونو – گون دالیلايیيردی! اوشاق چوپه دونموشدو. اوردلاری باتـیب، گؤزلري چوخورا دوشموش، الي- آیاغـی چيليك كيمي اولموشدور. بيردن- بيره اوشاغـین حالی قاریشدی، گؤزلري آخدی، چنهسي ايیيلدي و قاری گؤزونون قورا سینـی تؤكه- تؤكه اوشاغـین باشینا دولانـیر و یالواریردی:- «ايلاهي منيم بو عزيز نوهمي منه چوخ گؤرمه! اونا رحمين گلسين! یا ربيم منيم نوهمي ساغالت. ايلاهي اونا گلن قادانـی منيم جانـیما گتير! اگر جانـینی آلماق ايستهيیيرسن، اونون ییرينه منيم جانـیمی آل آی آللاه»! قاری یالوار- یاخار ایدن زامان اونون داناسی حیطده گزيردي. نه جور اولدوكي دانا باشینـی سوخدو گوودوشون ايچينه! آنجاق دانا حیطده اویان- بویانا قاچـیر و باشینـی سيلكهلهیـيردي، آمما گودوش باشیندان چـیخمیردی. دانا گودوش باشیندا، سوخولدو ایوين ايچينه. قاری باشینـی قالدیراندا عجایيب – قرایيب بير هيوره گؤردو!- بسماللهالرحمنالرحيم- بسماللهالرحمنالرحيم دییه- دییه ایوين بوجاغـینا سیغـیندی. ایله بيلدي كي قاپیدان گيرن عیزایيلدي! ديلي توتاز – توتماز دیدي:
- یا عیزرایيل! وآللاه- بيللاه ناخوش من دیيیيلم، باخ! او اوشاقدیر!
* استفاده از مطالب این وبلاگ با ذکر منبع بلامانع می باشد