باشقا فصیل

 

باشقا فصیل

 

 

 گونش بوزاریر

تورپاق بوزاریر

گؤز ایشله دیكجه  بوزلوق      

                        پوزقو نلوق!

 جانیما ساریلان قیزیل گول لرین عطری

هاردان،هارالاردان ساچلمیش

گؤره سن؟                                   

                     

بوزداغ لاردان قوپموش بوزكولكلز

 اولا شیر چیلپاق باغ لاردا

 

اوره گیمدن كئچن یاشل آیاق لی باهار   -

هاردان ،هارالاردان جانیما یول آچمیش

گؤره سن؟               

  بیر بیرینه  قاریشیب

كولك لر،له لكلر،قاریلتی لار....

باغ لارین قولاغینا دولوب

خزان سسی،قارقا سسی،كولك سسی....

یاز نغمه لی بو سس لر،بو قاناد سس لری....

هاردان ،هارالاردان گلیر  گوره سن؟

 

سحردن بری

 باشقا فصیل ایچینده یم:

كؤنلومده،توراغای لار اوخوشور

جانمدا قوشلار اوچوشور

اوره گیمده،باهار دیرچه لیر

خیالیمداسن گولورسن

 ایچیمده كی آخار باخاری

      بوروموش

             الوان لیق ،

                     آیدین لیق

 

تهران1370

 

* استفاده از مطالب این وبلاگ با ذکر منبع بلامانع می باشد

 

+ نوشته شده در جمعه سی ام فروردین ۱۳۹۲ ساعت 21:12 توسط حسن ریاضی (ایلدیریم)  | 

 بوللور

 

بوللور

 

کؤکسوم ایچره بیر بوللور وار:

 

گئجه لرده اوزاق اوزاق اولدوزلارلا ساییرشار

پاریلتی سی گوندوزلرده

گونشیمله, قیطعه لری، اؤلکه لری دولاشار!

 

کؤکسوم ایچره دوروگؤزلو بولاق کیمی

                                   گوزگوم له ؛

یاشاییشین ائنیش  یوخوش یولاریندا ییخیلدیم من

پارچالاندی اوزوم  گؤزوم

سیندی گوزگوم

سینا – سینا, بللورلاشدی  , دورو گوزگوم .

 

کوکسوم ایچره بیربوللور وار

بودونیانین ایستی سینی،سویوغونودویان بوللور.

دورولوغو   محبتیم

ایشیقلیغی  دویقولاریم

قات لاریندا  نیفره تیم

بوللورومدا عکس اولونو

دونیامیزین ایچی، اوزو

بوللورومدا پاریلداییر

اومیدلره ایشیق ساچان  دان اولدوز!

                               

کوکسوم ایچره بیربوللور وار ...

 

* استفاده از مطالب این وبلاگ با ذکر منبع بلامانع می باشد

 

 

+ نوشته شده در جمعه سی ام فروردین ۱۳۹۲ ساعت 20:53 توسط حسن ریاضی (ایلدیریم)  | 

یازگلیر

 

ياز گلير

 

افق لر رنگ به رنگدي گنجليك آرزوسوكيمي

شيرين يوخولو تورپاق  اوينايير قوزوكيمي

خومار گوزلو آغاج لارگونشه قاش گؤز آتير

قارانقوش لار سسلرین آخار سولارا قاتیر

 

نوروز گولو گوله – گوله

ياغيش ياغير گيله – گيله

ياغير ياغيش خال لانير قيش

ناخيش – ناخيش

 

آرزولار   قاناد آچیر  آغ گونون  سوراغیندا

ایستکلر  ایشیق ساچیر  باهارین نووراغیندا

کونوللرین بزه یی یاز گلیر ،آواز گلیر

چیچک  چیچک  آچیلان  نغمه گلیر ،سازگلیر

 

نوروز گولو گوله – گوله

ياغيش ياغير گيله – گيله

ياغير ياغيش   خال لانير قيش

ناخيش – ناخيش

 

 * استفاده از مطالب این وبلاگ با ذکر منبع بلامانع می باشد

                                                                                                                                                                               9/12/1366

+ نوشته شده در جمعه سی ام فروردین ۱۳۹۲ ساعت 20:48 توسط حسن ریاضی (ایلدیریم)  |